رائل چیلنجرز بنگلورو کی آئی پی ایل 2025 کی فتح کے جشن کے دوران چیناسوامی اسٹیڈیم کے باہر بھگدڑ سے11 افراد ہلاک اور متعدد زخمی ہوگئے۔بھارتی میڈیا کے مطابق آئی پی ایل جیتنے والی ٹیم رائل چیلجز کے ہزاروں مداح جشن میں شرکت کےلیے اسٹیڈیم کے اطراف جمع ہوئے تھے ہجوم کے بے قابو ہونے کے باعث اسٹیڈیم کے متعدد داخلی راستوں پر بھگدڑ مچ گئی۔ہلاک ہونے والوں میں خواتین اور ایک بچہ بھی شامل ہے۔رائل چیلنجرز بنگلورو ر نے احمد آباد کے نریندر مودی اسٹیڈیم میں پنجاب کنگز کو 6 رنز سے شکست دے کر 18 سال بعد اپنا پہلا آئی پی ایل ٹائٹل جیتا تھا۔کئی افراد کے پاس انٹری پاسز نہیں تھے جس کی وجہ سے داخلے کے مقام پر شدید افراتفری پھیل گئی۔ابتدائی طور پرآر سی بی نے ودھان سودھا سے چیناسوامی اسٹیڈیم تک ایک اوپن ٹاپ بس پریڈ کا اعلان کیا تھا لیکن بنگلورو ٹریفک پولیس اور کرناٹک کے ہوم منسٹر نے سیکیورٹی اور ٹریفک مسائل کی وجہ سے اسے منسوخ کر دیا تھا۔شائقین کی بڑی تعداد ودھان سودھا اور اسٹیڈیم کے باہر جمع ہوگئی جس سے افراتفری پھیل گئی۔عینی شاہدین کے مطابق مداح دیواریں اور باڑیں پھلانگ کر اندر داخل ہونے کی کوشش کرتے نظر آئے۔ پولیس نے صورت حال پر قابو پانے کےلیے لاٹھی چارج کیا۔ زخمیوں کو قریبی اسپتال منتقل کیا گیا ہے۔
