بھارت کی ہندو انتہا پسند جماعت بی جے پی کے سینئر رہنما اور ریاست مدھیہ پردیش کے وزیر وجے شاہ نے بھارتی فوج کی جانب سے پاکستان کے خلاف شروع کیے گئے آپریشن سندور کی تفصیلات سے میڈیا کو آگاہ کرنے والی مسلم فوجی کرنل صوفیہ قریشی کو ہی دہشتگردوں کی صف میں لاکھڑا کیا۔بی جے پی کے سینئر رہنما اور مدھیہ پردیش کے وزیر وجے شاہ نے بھارتی فوج کی مسلمان افسر کرنل صوفیہ قریشی کو دہشت گردوں کی بہن قرار دے دیا۔بی جے پی کے مدھیہ پردیش کے وزیر وجے شاہ کا کہنا تھا کہ مودی نے دہشت گردوں کی بہن کرنل صوفیہ قریشی کو سبق سکھانے کے لیے آگے کیا ہے۔واضح رہے کہ کرنل صوفیہ قریشی نے آپریشن سندور کے حوالے سے منعقدہ پریس کانفرنسز میں بھارتی بری فوج کی نمائندگی کرتے ہوئے پاک فوج کے ہاتھوں بھارت کو پہنچنے والے نقصانات کی تفصیلات سے میڈیا کو آگاہ کیا تھا۔وجے شاہ نے کہا کہ انہوں نے کپڑے اتار اتار کے ہمارے ہندوؤں کو مارا اور مودی جی نے ان کی بہن کو ان کی ایسی تیسی کرنے بھیجا۔انہوں نے کہا کہ اب مودی جی کپڑے تو اتار نہیں سکتے تھے اس لیے ان کے سماج کی بہن کو ہی بھیجا کہ تم نے اگر ہماری بہنوں کو بیوہ کیا ہے تمہارے سماج کی بہن آکر تمہیں ننگا کرے گی اس نفرت انگیز بیان کے بعد وجے شاہ کو شدید تنقید کا نشانہ بنایا جا رہا ہے جس پر انہوں نے ایک بیان بھی جاری کیا ہے جس میں انہوں نے کہا کہ اگر میرے بیان سے کسی کی دل آزاری ہوئی تو میں معافی مانگنے کے لیے تیار ہوں کرنل صوفیہ کی اپنی بہن سے زیادہ عزت کرتا ہوں۔کانگریس نے کرنل صوفیہ پر تنقید کو بلا جواز قرار دیتے ہوئے وجے شاہ سے مستعفی ہونے کا مطالبہ کردیا۔بھارت کی اپوزیشن جماعت کانگریس نے معاملے کا فوری نوٹس لیتے ہوئے وجے شاہ کو مدھیہ پردیش کی کابینہ سے فارغ کرنے کا مطالبہ کیا ہے۔کانگریس کے کارکنوں نے وجے شاہ کےگھر کے باہر احتجاج کیا اور ان کے نام کی تختی پر سیاہی پھیر دی۔
