بھارتی پولیس نے کئی سال کی کوششوں کے بعد دہلی کی لیڈی ڈان کو گرفتار کر لیا۔ بھارتی میڈیا کی رپوٹس کے مطابق دہلی پولیس نے ہاشم بابا نامی معروف گینگسٹر کی اہلیہ زویا خان المعروف لیڈی ڈان کو کئی سال کی کوششوں کے بعد گرفتار کرنے میں کامیاب ہوگئی . 33 سالہ خاتون کو 270 گرام ہیروئن رکھنے کے الزام میں گرفتار کیا گیا ہے جس کی بین الاقوامی مارکیٹ میں مالیت 1 کروڑ روپے کے قریب ہے۔میڈیا رپورٹس کے مطابق زویا خان نے جیل میں قید اپنے شوہر کے غیر قانونی کاروبار کی دیکھ بھال کرتی ہے ۔ میڈیا رپورٹس کے مطابق 33 سالہ خاتون زویا خان طویل عرصے سے پولیس کے ریڈار پر تھی۔زویا خان نے اپنے شوہر ہاشم بابا کی گرفتار کے بعد ان کے گینگ کی ذمہ داریاں سنبھالی تھی ۔بھارتی میڈیا کے مطابق گرفتار خاتون کے شوہر پر قتل، بھتہ خوری اور اسلحے کی اسمگلنگ کے درجنوں مقدمات درج ہیں۔بھارتی پولیس ذرائع کے مطابق زویا جیل میں رہتے ہوئے گینگ کی بھتہ خوری اور منشیات کی ا سمگلنگ کی سرگرمیوں میں ملوث تھی۔
