صدر ٹرمپ کا کہنا ہے کہ یورپی یونین نے ہمارا بہت فائدہ اٹھایا ہے.جلد ہی یورپی یونین سے امریکہ آنے والی مصنوعات پر بھی درآمدی محصولات عائد کی جائیں گی۔ انہوں نے کہا کہ یورپی یونین ہم سے کچھ نہیں لیتی نہ ہ ہماری گاڑیاں خریدتے ہیں اور نہ ہی ہماری زراعت کی مصنوعات خریدتے ہیں۔ اور ہم تقریباً سب کچھ ہی لیتے ہیں اُن سے لاکھوں گاڑیاں، بہت بڑی تعداد میں اشیائے خورد و نوش اور زرعی مصنوعات خریدتے ہیں.ایک سوال پر انہوں نے کہا کہ یورپی یونین کی مصنوعات پر ٹیرف کا اعلان کب تک متوقع ہے اس کی ٹائم لائن تو نہیں دے سکتے لیکن یہ بہت جلد ہو گا۔کینیڈا کی جانب سے جوابی کارروائی کے طور پر 106 ارب امریکی ڈالر سے زیادہ کی امریکی مصنوعات پر 25 فیصد محصولات عائد کرنے کے اس فیصلے پر ردِعمل دیتے ہوئے صدر ٹرمپ کا کہنا ہے کہ اگر کینیڈا نے جوابی کارروائی کی تو وہ کینیڈا کی مصنوعات پر عائد ٹیرف میں مزید اضافہ کر سکتے ہیں. انھوں نے خبردار کیا کہ اگر میکسیکو سے امریکہ میں منشیات اور تارکینِ وطن کی آمد بند نہ ہوئی تو ٹیرف میں مزید اضافہ ہو سکتا ہے.انہوں نے کہا کہ میکسیکو اور کینیڈا کے ذریعے لاکھوں لوگ ہمارے ملک میں داخل ہوئے ہیں۔ اور ہم اس کی اجازت نہیں دے سکتے۔
