جنوبی کوریا کی معروف اداکارہ کم سائی رون اپنے گھر میں مردہ پائی گئیں۔24 سالہ اداکارہ کی لاش جنوبی کوریا کے دارالحکومت سیول میں ان کے گھر سے ملی۔کورین میڈیا کے مطابق اداکارہ کم سائی رون سے ملنے ان کا ایک دوست آرہا تھا لیکن جب وہ گھر آیا تو اداکارہ سے رابطہ نہیں ہوا اور پھر اسے گھر میں مردہ حالت میں پایا جس کے بعد اس نے پولیس کو اطلاع دی۔پولیس کے مطابق گھر میں کسی مجرمانہ عمل یا بیرونی مداخلت کا ثبوت نہیں ملا تاہم موت کی وجوہات جاننے کیلئے تحقیقات جاری ہیں انہوں نے مزید کوئی تفصیلات فراہم نہیں کیں۔ واضح رہے کہ اداکارہ کم کو 2022 میں پولیس نے نشے میں گاڑی چلانے اور نقصان پر گرفتار کیا تھا اور ان پر بھاری جرمانہ عائد کیا گیا تھا اداکارہ نے معافی مانگتے ہوئے جرمانہ اور نقصان پورا کرنے کا وعدہ کیا تھا۔پولیس نے انہیں رہا کرتے ہوئے ڈرائیونگ لائسنس کینسل کردیا تھا ۔کورین اداکارہ جرمانہ پورا کرنے کیلئے کیفے میں پارٹ ٹائم جاب بھی کرتی رہیں اور پھر 2024 میں دوبارہ انڈسٹری میں کم بیک کیا اور حال ہی میں ایک نیا پروجیکٹ حاصل کیا تھا۔ واضح رہے کہ گزشتہ سال نومبر میں جنوبی کوریا کے معروف اداکار و ماڈل سونگ جے رم بھی اپنے گھر میں مردہ حالت میں پائے گئے تھے 
