حسن ابدال میں جھاری کس کے قریب ویگو ڈالا برساتی نالے میں بہہ گیا ریسکیو ٹیموں نے 5 افراد کو بچالیا جبکہ ایک بچہ اور 4 خواتین کی تلاش جاری ہے۔ریسکیو حکام نے پانچ افراد کو زندہ نکال لیا لاپتہ افراد میں چار خواتین اور ایک بچہ شامل ہیں جن کی تلاش کیلئے آپریشن جاری ہے۔ترجمان ریسکیو کے مطابق پانچوں افراد کو طبی امداد کے بعد ہسپتال منتقل کر دیا گیا ہے 7 سیٹر گاڑی میں 10 افراد سوار تھے جبکہ 4 خواتین اور ایک بچہ لاپتا ہے۔ریسکیو اہلکار آپریشن میں مصروف ہیں جبکہ غوطہ خور بھی موقع پر موجود ہیں۔واضح رہے گزشتہ رات کو راولپنڈی اسلام آباد سمیت مختلف شہروں میں موسلادھار بارش ہوئی جس سے کئی نشیبی علاقے زیر آب آئے اور بعض مقامات پر ندی نالوں میں طغیانی آ گئی۔
