پاکستانی فضائی حدود کی بندش سے بھارت کی غیر ملکی پروازیں تو تاخیر کا شکار ہوگئی آپریشنل وجوہات کی بنا پر پیر کی دوپہر سے رات ایک بجے تک 12 گھنٹے کے دوران نئی دہلی ایئرپورٹ کی 510 پروازیں تاخیر کا شکار ہوئیں۔آپریشنل وجوہات کی بنا پر آمد کی پروازوں میں تاخیر سے خلل کا انڈیکس 4 اعشاریہ 6 تک چلا گیا جبکہ دہلی ائیرپورٹ سے روانگی کی پروازوں میں اوسط تاخیر 65 منٹ تھی اور پروازوں کی روانگی میں تاخیر سے مشکلات کا انڈیکس آخری درجہ 5 تک پہنچ گیا تھا۔ پاکستانی فضائی حدود کی بندش سے پروازوں کے کرائے اور دورانیے میں اضافے کا خدشہ ظاہر کیا گیا ہے دہلی ایئرپورٹ پر سب سے زیادہ اندرون ملک کی پروازوں میں بھی تاخیر رپورٹ ہوئی۔پاکستان کی فضائی حدود کی بندش سے بھارتی ایئر لائنز کو اضافی فیول اور وقت صرف کرنا پڑ رہا ہے، مالی نقصان اس کے علاوہ ہے۔ واضح رہے کہ جمعرات کو پاکستانی وقت کے مطابق لگ بھگ شام 6 بجے بھارتی طیاروں کے لیے پاکستان کی فضائی حدود بند کی گئی تھی۔
