دیامر میں کلاؤڈ برسٹ سے پیدا ہونے والی سیلابی صورتحال کے باعث جاں بحق ہونے والے جوڑے کی شناخت ہوگئی ہے۔جاں بحق ہونے والے ڈاکٹر میاں بیوی لودھراں کے رہائشی تھے، جاں بحق ڈاکٹر کے والد بھی دیامر میں زخمی ہوئے ہیں جبکہ 3 سال کا بیٹا لاپتہ ہے۔متاثرہ فیملی کے 17 ارکان سیر و تفریح کے لیے گلگت بلتستان گئے تھے گزشتہ روز اسکردو سے واپسی پر ان کی گاڑیاں دیامر میں سیلابی ریلے میں پھنس گئی تھیں.فیملی ذرائع کے مطابق دیامر میں حادثے کے شکار خاندان کے باقی افراد محفوظ ہیں موسم بہتر ہونے پر میتوں اور اہل خانہ کو دیامر سے لودھراں منتقل کیا جائے گا۔اس سے قبل ڈپٹی کمشنر دیامر عطاء الرحمان نے کہا تھا کہ 3 سیاحوں کی لاشیں ملی ہیں، ایک معمر شخص شدید زخمی حالت میں ملا ہے، 7 سے 8 کلو میٹر روڈ مکمل طور پر تباہ ہو گیا ہے، 10 سے 15 گاڑیاں سیلابی ریلے میں بہہ گئی ہیں
