لاہور کے علاقے نواب ٹاؤن پولیس نے رجب بٹ، مان ڈوگر اور تین دیگر افراد کے خلاف ایک سوشل میڈیا ایکٹیوسٹ خاتون کی درخواست پر سنگین نوعیت کا مقدمہ درج کیا۔ایف آئی آر میں اغوا، ریپ ، بلیک میلنگ اور غیر قانونی حبس بے جا کی دفعات شامل کی گئی ہیں۔ پولیس کے مطابق متاثرہ خاتون نے الزام لگایا کہ ان کی دوستی یوٹیوبر رجب بٹ کے رشتہ دار سلمان حیدر سے ہوئی تھی۔ شکایت کنندہ نے الزام عائد کیا کہ یوٹیوبر رجب بٹ، مان ڈوگر اور دیگر ساتھیوں نے انہیں نواب ٹاؤن کے ایک گھر میں زبردستی قید میں رکھا جہاں انہیں ہراساں بھی کیا گیا۔خاتون کا دعویٰ ہے کہ سلمان نے نشہ آور چیز کھلا کر نہ صرف ریپ کیا بلکہ اس عمل کی ویڈیو بنا کر بلیک میلنگ کا سلسلہ بھی شروع کردیا۔پولیس حکام کا کہنا ہے کہ الزامات کی نوعیت سنگین ہے اور شواہد کی روشنی میں کارروائی کی جائے گی تمام فریقین کا مؤقف سن کر غیر جانبدارانہ تحقیقات کریں گے اور اگر الزامات ثابت ہوئے تو ذمہ داروں کو قانون کے مطابق سزا دی جائے گی۔
