پاکستان کرکٹ ٹیم کے سابق فاسٹ بولر وہاب ریاض نے کہا ہے کہ روہت شرما اور ویرات کوہلی کوجلد آؤٹ کرنا ہوگا۔دونوں کھلاڑی دباؤ میں اچھا کھیل پیش کرنے کی صلاحیت رکھتے ہیں.وہاب ریاض کا کہنا ہے کہ ہر کھلاڑی اپنے کیریئر کا بہترین اختتام چاہتا ہے روہت شرما اور ویرات کوہلی بھی اسی دباؤ کا شکار ہوں گے۔ چیمپئنز ٹرافی کےاہم میچ میں ویرات کوہلی اور روہت شرما کابڑا کردار ہوگا. انہوں نے کہا کہ چیمپئنز ٹرافی کے اہم میچ میں دونوں بھارتی کھلاڑیوں کا کردار بڑا اہم ہو گا پاکستان ٹیم نے انہیں جلد آؤٹ کر لیا تو میچ میں ان کے لیے بڑا چانس ہو گا انہوں نے کہا کہ میری نیک خواہشات کپتان محمد رضوان اور پاکستان ٹیم کے ساتھ ہیں۔ وہاب ریاض کا کہنا ہے کہ پاکستان ٹیم کا ہر کھلاڑی شیر اور میچ ونر ہے چیمپئنز ٹرافی کے اہم میچ کے لیے ہم سب کو گرین شرٹس کو سپورٹ کرنا چاہیے۔انہوں نے کہا کہ بھارت کےخلاف میچ میں جیت کےلیے پُر امید رہنا چاہیے۔
