بحیرہ عرب میں ہوا کا کم دباؤ تشکیل پاگیا محکمہ موسمیات کا کہنا ہے کہ درجہ حرارت 37 ڈگری سینٹی گریڈ تک جاسکتا ہے. ہوا کا کم دباؤ کراچی کے جنوب مشرق میں موجود ہے محکمہ موسمیات کے مطابق سسٹم کراچی سے تقریباً 1075 کلو میٹر جنوب مشرق میں موجود ہے اور یہ سسٹم 36 گھنٹوں کے دوران مزید شدت اختیار کرکے ڈپریشن بن سکتا ہے۔ محکمہ موسمیات نے بتایا کہ ابتدائی طور پر یہ سسٹم شمال کی جانب حرکت کرے گا تاہم ساحلی پٹی کو فی الحال کوئی خطرہ نہیں۔محکمہ موسمیات نے مزید بتایا کہ محکمہ موسمیات کا سائیکلون وارننگ سینٹر اس سسٹم کی نگرانی کر رہا ہے۔
