وفاقی ٹیکس محتسب نے سولرنیٹ میٹرنگ کے بجلی صارفین سے 18 فیصد سیلز ٹیکس وصولی کا فیصلہ جاری کردیا .وفاقی ٹیکس محتسب کا فیصلے میں کہنا تھا کہ تمام بجلی کی تقسیم کارکمپنیاں بجلی کی سپلائی پر 18 فیصد سیلز ٹیکس وصول کریں کے الیکٹرک سپلائی کمپنی بھی صارفین سے 18 فیصدسیلزٹیکس وصولی کرے۔وفاقی ٹیکس محتسب کا کہنا تھا کہ قانون کےمطابق ٹیکس کی عدم وصولی سے خزانے کو سالانہ 9 ارب 38 کروڑ روپے نقصان ہو رہا ہے سرکاری ڈسکوز بجلی صارفین سے مکمل سیلزٹیکس کی وصولی نہیں کر رہیں۔وفاقی ٹیکس محتسب کے مطابق بجلی تقسیم کارکمپنیاں سیلز ٹیکس وصولی کے لیے نیٹ میٹرنگ سے متاثر نہ ہوں، تمام سرکاری ڈسکوز صارفین سے قوانین کے مطابق ٹیکس وصولی نہیں ہو رہی۔وفاقی ٹیکس محتسب نے فیڈرل بورڈ آف ریونیو کو قومی خزانے کو نقصان پہنچانے پرتحقیقات کی سفارش کر دی وفاقی ٹیکس محتسب کا کہنا تھا کہ ایف بی آر 60 روز میں تحقیقات کرکے رپورٹ پیش کرے۔ وفاقی ٹیکس محتسب کے مطابق کےالیکٹرک صارفین سے18فیصد سیلز ٹیکس کی درست وصولی کر رہی ہے۔وفاقی ٹیکس محتسب کے فیصلے کے مطابق سیلز ٹیکس دفعات کے تحت نیٹ میٹرنگ کا کوئی تصور نہیں ہے سیلزٹیکس نیٹ آف ویلیو پر نہیں بلکہ سپلائی پر وصول کرنا ضروری ہے سیلزٹیکس کونیٹ میٹرنگ کےکسی بھی اثر کےبغیرمجموعی رقم پراسےکاٹنا ضروری ہے۔واضح رہے کہ وفاقی ٹیکس محتسب س سے کے الیکٹرک صارف نے بجلی کی مجموعی سپلائی پرٹیکس وصولی پر شکایت کی تھی۔
