سوئیڈن کی وزیرِ صحت ایلیسابیٹ لان منگل کے روز عہدہ سنبھالنے کے چند ہی گھنٹے بعد ایک پریس کانفرنس کے دوران اسٹیج پر گِر کر بےہوش ہو گئیں۔سوئیڈن کی وزیرِ صحت ایلیسابیٹ لان گزشتہ روز عہدہ سنبھالنے کے چند ہی گھنٹے بعد ایک پریس کانفرنس کے دوران اسٹیج پر گِر کر بےہوش ہو گئیں۔جب 48 سالہ ایلیسابیٹ لان وزیرِ اعظم، ڈیموکریٹس پارٹی کی سربراہ کے ہمراہ صحافیوں کے سوالات سن رہی تھیں۔ اسی دوران اچانک لان آہستہ آہستہ آگے کو جھکیں اور گر کر بے ہوش ہوگئیں گرنے کے ساتھ ہی ان کے سامنے رکھا پوڈیم بھی گر گیا اس موقع پر دیگر سیاست دان اور کچھ صحافی فوراً ان کی مدد کے لیے آگے بڑھے عینی شاہدین کے مطابق ایلیسابیٹ لان چند لمحوں تک بے ہوش رہیں جس کے بعد سیکیورٹی عملے نے اِنہیں سہارا دے کر اُٹھایا۔کچھ دیر بعد ایلیسابیٹ لان دوبارہ پریس کانفرنس میں لوٹ آئیں اور اس واقعے کی وضاحت دیتے ہوئے بتایا کہ یہ بالکل غیر معمولی دن ہے، ایسا تب ہوتا ہے جب اِن کا بلَڈ شوگر لیول اچانک کم ہو جائے۔واضح رہے کہ ایلیسابیٹ لان کو پیر کے روز مستعفی ہونے والی وزیرِ صحت، آکو انکاربرگ یوہانسون کی جگہ یہ منصب سونپا گیا ہے۔
