الیکشن کمیشن آف پاکستان نے سینیٹ میں اپوزیشن لیڈر شبلی فراز اور قائد حزب اختلاف قومی اسمبلی عمر ایوب سمیت 9 ارکان اسمبلی اور سینیٹر کو نااہل قرار دے دیا۔ااہل ہونے والوں میں پانچ ارکان قومی اسمبلی، ایک سینیٹر اور 3 ارکان پنجاب اسمبلی شامل ہیں الیکشن کمیشن کی جانب سے تمام ارکان کو ڈی سیٹ کرنے کا نوٹی فکیشن جاری کردیا گیا تمام ارکان کو 9 مئی کے مقدمات میں سزائیں ہونے کے بعد نااہل قرار دیا گیا ہے 9 مئی مقدمات میں سزا یافتہ ہونے پر الیکشن نے سینیٹ میں اپوزیشن لیڈر شبلی فراز، قومی اسمبلی میں اپوزیشن لیڈر عمرایوب، قومی اسمبلی میں پی ٹی آئی کی پارلیمانی لیڈر زرتاج گل سمیت 9 ارکان پارلیمنٹ کو نااہل قرار دیا گیا ہے جبکہ ارکان پنجاب اسمبلی انصر اقبال، جنید افضل، رائے محمد مرتضیٰ اقبال بھی نااہل قرار دیے گئے ہیں۔الیکشن کمیشن آف پاکستان کا اپنے نوٹیفکیشن میں کہنا ہے کہ ارکان پارلیمنٹ اور صوبائی اسمبلی کو آرٹیکل 63 ون ایچ کے تحت نااہل قرار دیا گیا، تمام ارکان کی نشستوں کو خالی قرار دیدیا. خیال رہے کہ چند روز قبل فیصل آباد میں انسداد دہشت گردی عدالت نے 9 مئی کے 3 مقدمات کا فیصلہ سناتے ہوئے عمر ایوب، شبلی فراز اور زرتاج گل وزیر سمیت سمیت پاکستان تحریک انصاف کے 196 رہنماؤں اور کارکنوں کو 10 سال تک قید کی سزائیں سنائی تھیں۔
