انسداد دہشت گردی عدالت نے 9 مئی کے پرتشدد واقعات سے متعلق دو اہم مقدمات جن میں راحت بیکری کے باہر جلاؤ گھیراؤ اور تھانہ شادمان جلاؤ گھیراؤ کا محفوظ فیصلہ سناتے ہوئے پاکستان تحریک انصاف ے وائس چیئرمین شاہ محمود قریشی کو بری کر دیا ہے۔جبکہ اعجاز چوہدری اور یاسمین راشد سمیت دیگر ملزمان کو 10، 10 برس قید کی سزا سنا دی۔پیر کے روز انسداد دہشت گردی عدالت لاہور میں 9 مئی سے متعلق 2 مقدمات کی سماعت کوٹ لکھپت جیل میں ہوئی۔ جج منظر علی گل نے تھانہ شادمان نذرآتش کیس اور گاڑیاں جلانے کے کیس کا فیصلہ سنایا ہے۔عدالت کی جانب سے سابق گورنر پنجاب عمر سرفراز چیمہ ، سابق صوبائی وزیر یاسمین راشد ، سینیٹر اعجاز چوہدری اور سابق صوبائی وزیر میاں محمود الرشید کو 10، 10 برس قید کی سزا سنائی گئی ہے۔عدالت کی جانب سے عالیہ حمزہ اور صنم جاوید کو 5،5 برس قید کی سزا سنائی گئی۔عدالت نے سہیل خان، اویس، رفیع الدین، فرید خان، سلمان احمد، عبدالقادر، فیضان، طیب، سلطان، شاہد بیگ، ماجد علی، بخت روان کو بھی بری کرنے کا فیصلہ سنایا۔واضح رہے کہ ہفتے کے روز جج منظر علی گل کی سربراہی میں کوٹ لکھپت جیل میں سماعت ہوئی تھی جہاں وکلاء کے حتمی دلائل مکمل ہونے کے بعد عدالت نے فیصلہ محفوظ کیا تھا۔
