عظیم لیگ اسپنر شین وارن کی موت کی وجہصرف دل کا دورہ نہیں تھی ان کے کمرے سے طاقت کی ممنوعہ دوا بھی ملی تھی۔برطانوی اخبار کو سینیئر تھائی پولیس افسر شناخت نہ ظاہر کرنے کی شرط پر بتایاکہ آسٹرِیلوی لیگ اسپنر شین وارن کی موت کی وجہ صرف دل کا دورہ نہیں تھی مرنے سے پہلے شین وارن نے ممکنہ طور پر ممنوعہ دوا استعمال کی تھی۔جس کمرے میں شین وارن کی موت ہوئی ان کے کمرے سے بھارتی کمپنی کی طاقت کی ممنوعہ دوا کی بوتل ملی تھی جسے اوپر کے حکم کی وجہ سے خاموشی سے کمرے سے ہٹا دیا گیا تھا۔ ڈاکٹرز کے مطابق شین وارن کا دل کمزور تھا وہ دمے میں بھی مبتلا تھے ایسے میں قوت بخش ممنوعہ دوا مہلک ثابت ہوسکتی ہے۔افسر نے دعویٰ کیا کہ دوا غائب کرانے اور تحقیقات نہ کرانے کا فیصلہ شین وارن کی عزت کی خاطر کروایا گیا اس فیصلے کو آسٹریلوی حکام کی حمایت شامل تھی اور آخری وقت میں شین وارن کے ساتھ موجود خواتین سے بھی پوچھ گچھ نہیں کی گئی۔انکے مطابق پولیس رپورٹس سے بھی اس دوا کا ذکر نکال دیا گیا تھا اور آخری وقت میں شین وارن کے ساتھ موجود دو خواتین کو بھی جزیرہ چھوڑنے کا کہا گیا تھا۔ فی الحال ان خواتین کا ٹھکانہ معلوم نہیں اس واقعے کے بعد مساج پارلر کو بھی بند کردیا گیا تھا۔ واضح رہے کہ 52 سالہ شین وارن کی موت 4 مارچ 2022 کو کوہ ساموئی کے جزیرے کے لگژری ولا میں ہوئی تھی پوسٹ مارٹم رپورٹ میں ان کی موت کی وجہ دل کا دورہ بتائی گئی اور کہا گیا تھا کہ وارن کوہ ساموئی پہنچنے سے پہلے دل کی بیماری اور دمہ میں مبتلا تھے۔
