اڈیالہ جیل کے باہر میڈیا سے گفتگو کرتے ہوئے بیرسٹر گوہر کہا کہ صوابی جلسے کے حوالے سے بانی پی ٹی آئی عمران خان بہت خوش تھے جلسے میں لوگوں کی بہت زیادہ تعداد تھی بانی پی ٹی آئی عمران خان نے کہا ہے کہ 8 تاریخ کے الیکشن کے بعد پہلی دفعہ اتنے لوگ نکلے ہیں. اپنی یکجہتی کا اظہار کیا ہم اپنا مینڈیٹ کبھی نہیں بھولیں گے۔بیرسٹر گوہر نے کہا کہ مولانا فضل الرحمن ہمارے ساتھ ابھی تک الائنس میں نہیں ہے.ہماری کوشش ہے کہ وہ ہمارے ساتھ ہوں جو قانون سازی ہوتی ہے وہ ہمارے ساتھ مل کر کریں اس وقت ہم کوشش کر رہے ہیں کہ 8 فروری کو جو مینڈیٹ چوری ہوا اس پہ ابھی تک کوئی کمیشن نہیں بن سکا جو پٹیشن ہم نے فائل کی اس پہ ابھی کوئی فیصلہ نہیں ہو سکا۔صحافی نے سوال کیا کہ دوسرا کوئی خط آیا ہے اس پر انہوں نے کہا کہ کنٹیکٹ اسٹیبلش ہو گیا تھا ہمارا ایک ہی رابطہ ہوا تھا اس کے بعد ہمارا کوئی رابطہ نہیں ہے.ان کا کہنا تھا کہ رابطے نہیں ختم ہونے چاہیے تھے دھیمے انداز سے ہم آگے بڑھتے دانش مندانہ فیصلے ہوتے اس کا کوئی ایک سیاسی حل ڈھونڈا جاتا پی ٹی آئی ایک سیاسی پارٹی ہے ہم سیاسی جدوجہد جاری رکھیں گے باقی جو اپوزیشن پارٹی ہے، ان سے ہمارا رابطہ ہوگا پرامن طریقے سے ہم اس عمل کو اگے بڑھاتے رہیں گے۔
