بانی پاکستان تحریکِ انصاف عمران خان کے انسٹاگرام پر فارلوورز کی تعداد ایک کروڑ ہوگئی ہے وہ اس پلیٹ فارم پر سب سے زیادہ فالو کئے جانے والے سیاستدان بن گئے ہیں . جبکہ فالوورز کی اس دوڑ میں موجودہ وزیراعظم شہباز شریف کے انسٹاگرام اکاؤنٹ سمیت دیگر سیاستدانوں کے اکاؤنٹس پر فالوورز کی تعداد ایک ملین سے بھی کم ہے۔راولپنڈی کی اڈیالہ جیل میں قید عمران خان کے فوٹوز اینڈ ویڈیو شیئرنگ ایپ انسٹاگرام پر فالوورز کی تعداد 1 کروڑ تک پہنچ گئی اور اس ہندسے پر پہنچنے والے وہ پہلے پاکستانی سیاستدان ہیں۔ عمران خان صرف ایک اکاؤنٹ کو فالوو کر رہے ہیں جو کہ ان کی جماعت پی ٹی آئی کا آفیشل اکاؤنٹ ہے۔عمران خان کے اکاؤنٹ سے اب تک 15 ہزار691 پوسٹس شیئر کی جا چکی ہیں۔انسٹاگرام پر عمران خان کو پارٹی کا موجودہ چیئرمین قرار دیا جارہا ہے جبکہ تحریک انصاف کے موجودہ چیئرمین بیرسٹر گوہر ہیں.دوسری جانب عمران خان کے ایکس اکاؤنٹ سابقہ ٹوئٹر پر عمران خان کے 21.1 ملین فالوورز موجود ہیں۔
