علیمہ خان نے کہا کہ بانی ن عمران خان نے احتجاج کیلئے 14 اگست کی نئی تاریخ دی ہے بانی نے کہا ہے عوام کو حقیقی آزادی کیلئے کھڑا ہونا ہے انہوں نے کہا ہے ملک میں رول آف لاء ختم ہوچکا ہے 14 اگست کو سب لوگ نکلیں انہوں نے اپنی لیڈر شپ کو بھی پیغام دیا ہے کہ جیلوں اور گرفتاریوں سے نہ ڈریں۔توشہ خانہ ٹو کیس کی سماعت کے روز اڈیالہ جیل کے باہر میڈیا سے گفتگو کرتے ہوئے علیمہ خان کا کہنا تھا کہ اللہ کا شکر ہے ہماری ایک بہن عظمی خان کی بانی اور بشریٰ بی بی سے ملاقات ہوگئی ہے۔علیمہ خان کا کہنا تھا کہ بانی کل کے احتجاج پر بہت خوش ہوئے ہیں بانی نے ظلم و زیادتی دباؤ کے باوجود لوگوں کے احتجاج پر خوشی کا اظہار کیا ہے۔بانی پی ٹی آئی عمران خان نے کہا ہے کہ ہمارے جو لوگ نااہل ہوئے ہیں ان کی نشستوں پر کسی کو کھڑا نہیں کیا جائے ناجائز طریقے سے لوگوں کو نااہل کیا گیا۔علیمہ خان کے مطابق خیبرپختونخوا حکومت کے لیے عمران خان نے پیغام دیا ہے کہ آپریشن بند ہونا چاہیے آپریشن پی ٹی آئی کے خلاف نفرت پیدا کرنے کے لیے کیا جارہا ہے بانی نے کہا کہ مسئلے کو جرگوں کے ذریعے حل کرنا چاہیئے اگر علی امین گنڈا پور آپریشن نہیں روک سکتے، یہ ان کو سوچنا چاہیے کیا کرنا چاہیے۔انہوں ے کہا کہ عمران خان نے بچوں کے پاکستان آنے کے بارے میں بھی پوچھا ہے .
