فیصل چوہدری نے آڈیالہ جیل اور ایک ٹی وی انٹرویو میں کہا ہے کہ عمران خان نے رمضان المبارک کے بعد بھر پور تحریک چلانے کی ہدایت کی ہے.فیصل چوہدری نے کہا کہ عمران خاان نے ماہ رنگ بلوچ سے بھی رابطہ کرنے کی ہدایت کی ہے . فیصل چوہدری کا کہنا تھا کہ عمران خان نے عید کے بعد احتجاج کی تجویز دی ہے اور اس حوالے سے اسد قیصر کو عوام پاکستان پارٹی، جماعت اسلامی، جی ڈی اے و دیگر اپوزیشن جماعتوں سے رابطہ کرنے کا ٹاسک بھی دیا ہے۔ انہوں نے کہا کہ پارٹی میں سب کا احتساب ہوتا ہے اور ہرکوئی اپنی بات کھل کر کرتا ہے کیا شیر افضل کو معلوم نہیں ہماری جماعت موروثی جماعت نہیں بیرسٹر گوہر بھی کڑوی باتیں سنتے ہیں لیکن وہ بہادرشخص ہیں۔شعیب شاہین اور فواد چوہدری کے درمیان لڑائی پر فیصل چوہدری نے کہا کہ وہ فواد چوہدری کی شعیب شاہین کو تھپڑ مارنے کے عمل کی حمایت نہیں کر سکتے اور یہ عمل نامناسب ہے۔
