پاکستان تحریک انصاف کے بانی چیئرمین عمران خان کی ہدایت پرانصاف لائیر فورم کے تمام عہدیداران کو عہدوں سے ہٹا دیا گیا جس کا نوٹیفکیشن جاری کردیا گیا جس کے مطابق انتظار پنجوتھا آئی ایل ایف کے نئے چیف آرگنائزر ہوں گے۔ چیئرمین پاکستان تحریک انصاف بیرسٹر گوہر کے جاری کردہ نوٹیفیکیشن میں بتایا گیا کہ آئی ایل ایف کے چیف آرگنائزر، صدر، اور دیگر عہدیداروں کو ان کے عہدوں سے فارغ کر دیا گیا ہے۔ پی ٹی آئی نے مزید کہا کہ نئے عہدیداران کی تعیناتی کا عمل جلد مکمل کیا جائے گا۔عمران خان کی خصوصی ہدایت پر انتظار پنجھوتا کو آئی ایل ایف کا نیا چیف آرگنائزر تعینات کیا گیا ہے اس تبدیلی کا مقصد تنظیم کے اندر مزید فعالیت اور کارکردگی کو بہتر بنانا ہے۔
