اڈیالہ جیل میں توشہ خانہ ٹو کیس کی سماعت کے دوران اپنی بہن علیمہ خان سے گفتگو کرتے ہوئے ان کا کہنا تھا کہ عدلیہ کا مذاق بنایا گیا ہے لیکن میں ہر کیس لڑوں گا اور وہ یہ پوچھ رہے ہیں مجھے ڈیل کرنے کی کیا ضرورت ہے جب میں کیسز لڑ رہا ہوں اسٹیبلشمنٹ یا کسی ملک کے کہنے پر ڈیل نہیں کروں گا۔علیمہ خان کے مطابق عمران خان نے کہا کہ 9 مئی کی سازش پہلے سے کی گئی تھی ان لوگوں نے 9 مئی کی سی سی ٹی وی فوٹیج چرائی اور جن لوگوں نے 9 مئی کے بعد پارٹی چھوڑی ان کے کیسز معاف کر دیے گئے۔علیمہ خان نے مزید کہا کہ عمران خان بنی گالہ ہاؤس ریسٹ میں نہیں جائیں گے۔ علیمہ خان کے مطابق عمران خان نے صرف 2 مطالبات کیے ہیں، 9 مئی اور 26 نومبر کے احتجاج پر جوڈیشل کمیشن بنانے اور بے گناہ قیدیوں کی رہائی کا مطالبہ کیا ہے 26 نومبر کے لاتعداد لوگ مسنگ ہیں جب کہ لال مسجد آپریشن کی طرح لاشیں دفنائی گئی ہیں۔علیمہ خان نے کہا کہ توشہ خانہ ٹو کیس توشہ خانہ کے پہلے کیس جیسا ہے، القادر کا کیس اور توشہ خانہ ٹو اعلی عدالتوں میں ختم ہو جائیں گے، القادر یونیورسٹی کیس کا فیصلہ 6 تاریخ کو ہوگا۔
