کراچی کے علاقے ڈیفنس میں مصطفیٰ عامر قتل کیس کے مرکزی ملزم ارمغان کے خلاف صحافی پر حملے کے مقدمے میں عدالت کے بار بار کہنے کے باوجود ملزم ارمغان نے مقدمے کی نقول لینے سے انکار کردیا۔عدالت نے مقدمے کی نقول لینے سے انکار پر ملزم ارمغان پر برہمی کا اظہار کیا۔ملزم کا کہنا تھا کہ جب تک میرا وکیل موجود نہیں ہوگا میں مقدمہ کی نقول نہیں لوں گا تاہم عدالت کے بار بار کہنے کے باوجود ملزم ارمغان کا مقدمہ کی نقول لینے سے انکار کیا۔عدالت نے کیس کی مزید سماعت ملتوی کردی اور ملزم ارمغان کی کسٹڈی عدالتی اجازت کے بغیر واپس لے جانے پر جیل حکام پر برہمی کا اظہار کرتے ہوئے جیل سپرنٹینڈنٹ اور انتظامیہ سے وضاحت طلب کرلی۔واضح رہے کہ کہ 19 نومبر 2024 کو ملزم ارمغان اپنی ویگو گاڑی میں سوار تھا ملزم ارمغان نے صحافی ندیم احمد خان کو روکا اور تلخ کلامی کی ارمغان نے تلخ کلامی کے بعد فائرنگ کرکے صحافی کو زخمی کردیا اور وہاں سے فرار ہوگیا دوران تفتیش ملزم ارمغان اپنے جرم کا اعتراف کرچکا ہے۔
