امریکا کی معروف ٹک ٹاک اسٹار بیلی ہچنز 26 سال کی عمر میں کینسر کے باعث چل بسی.26 سالہ ٹک ٹاک اسٹار کے شوہر کیڈن نے اپنے انسٹاگرام اکاؤنٹ پر اہلیہ کے مرنے کی خبر دیتے ہوئے غمزدہ انداز میں لکھا کہ اب ان کی اہلیہ تکلیف میں نہیں .وہ دو سال تک کینسر سے لڑتی رہیں۔ان کے شوہر نے انسٹا گرام پوسٹ میں لکھا ہے کہ میرے لیے یہ کہنا بہت تکلیف دہ ہے کہ میری بیلی بی گزشتہ رات ہمیں چھوڑ کر چلی گئی وہ گزشتہ 2 سال سے کینسر سے جنگ کررہی تھیں اور اب مزید اس اذیت ناک تکلیف کو برداشت نہیں کریں گی۔واضح رہے کہ بیلی ہچنز 2023 میں 24 سال کی عمر میں کینسر کے چوتھی اسٹیج میں مبتلا ہوئی تھیں جس کا ذکر انہوں نے اپنے ٹک ٹاک اکاؤنٹ پر بھی کیا تھا۔جس پر ان کے مداحوں کی جانب سے افسوس کا اظہار کرتے ہوئے ٹاک ٹاکر کیلئے دعاؤں اور نیک تمناؤں کا اظہار کیا گیا تھا۔ان کے ٹک ٹاک اکاؤنٹ پر ایک لاکھ ساٹھ ہزار سے زیادہ فالوورز اور لاکھوں لائکس تھے.
