پاکستان کے معروف کبڈی کھلاڑی ماکھاجٹ جہانیاں منڈی والا دل کا دورہ پڑنے سے انتقال کر گئے۔کبڈی کے کھلاڑی ماکھا جٹ کو وہاڑی میں میچ کے دوران دل کا دورہ پڑا جس کے باعث وہ گر گئے اور بعدازاں انتقال کرگئے۔پاکستان کبڈی فیڈریشن کے صدر شافع حسین اور سیکریٹری محمد سرور رانا کی جانب سے اس واقعے پر افسوس کا اظہار کیا گیا ہے۔سیکرٹری پاکستان کبڈی فیڈریشن محمد سرور کا کہنا ہے کہ افسوسناک واقعہ ہمارے علم میں آیا ہے، نوجوان کھلاڑی کے میدان میں انتقال پر بہت افسوس ہوا دعا ہے کہ اللہ اہل خانہ کو صبر عطا فرمائے۔
