میڈیا رپورٹس کے مطابق واٹس ایپ کی جانب سے 1 ماہ کے دوران بھارت میں 84 لاکھ بھارتی شہریوں کے اکاؤنٹس بند کر دیے گئے۔رپورٹس کے مطابق یہ کارروائی واٹس ایپ کی مالک کمپنی میٹا کی جانب سے جعلی و فراڈ کی سرگرمیوں کے پیشِ نظر عمل میں لائی گئی ہے۔اگست 2024 میں واٹس ایپ کو 10 ہزار 707 صارفین کی جانب سے شکایات موصول ہوئی تھیں جن میں سے 93 فیصد شکایات پر فوری طور پر کارروائی کی گئی۔واٹس کا اس حوالے سے بیان بھی سامنے آیا ہے جس میں اس نے بتایا کہ واٹس ایپ اکاؤنٹس پر پابندی صارفین کی جانب سے فراڈ اور مشکوک سرگرمیوں کی شکایات ملنے پر عمل میں لائی گئی جبکہ اکاؤنٹس معطل کرنے کا مقصد پلیٹ فارم کے تحفظ کو یقینی بنانا ہے رپورٹس کے مطابق مجموعی طور پر بلاک کیے گئے اکاؤنٹس میں سے 1.66 ملین صارفین کو سنگین خلاف ورزیوں کی وجہ سے فوری طور پر بلاک کر دیا گیا تھا جبکہ باقی اکاؤنٹس کو تحقیقات کے بعد مشکوک قرار دینے پر بلاک کیا گیا ہے۔
