ڈاکٹر آکاش انصاری کے لے پالک زیرحراست بیٹے لطیف آکاش نے والد کے قتل کا اعتراف کر لیا ہے ملزم نے ڈاکٹر آکاش کو قتل کرنے کے بعد کمرے میں آگ لگائی۔پولیس کے مطابق ڈاکٹر آکاش کا بیٹا نشے کا عادی ہے اور آئے روز والد سے رقم کا تقاضہ کرتا رہتا تھا۔پولیس حکام کا کہنا ہے کہ قتل کی واردات کے تمام شواہد اکھٹا کر لیے ہیں.تفتیشی افسر کا کہنا ہے کہ فارنزک اور پوسٹ مارٹم رپورٹ کا انتظار ہے ملزم کا ڈی این اے ٹیسٹ بھی کرایا گیا ہے۔ گزشتہ روز پولیس نے انکشاف کیا تھا کہ ڈاکٹر آکاش انصاری کو قتل کرنے کے بعد ان کی لاش کو جلایا گیا۔پولیس کے مطابق ڈاکٹر آکاش انصاری نے ایک سال قبل اپنے لے پالک بیٹے لطیف آکاش کے خلاف ایک مقدمہ بھی درج کرایا تھا جس میں انہوں نے مؤقف اختیار کیا تھا کہ ان کا بیٹا لطیف گھر سے 38 لاکھ روپے لیکر فرار ہو گیا ہے تاہم بعد ازاں ڈاکٹر آکاش اور بیٹے کے درمیان صلح ہو گئی تھی۔
