نیشنل الیکٹر ریگولیٹری اتھارٹی نے ملک بھر کے صارفین کے لیے سہ ماہی ایڈجسٹمنٹ کی مد میں بجلی 1.89روپے فی یونٹ سستی کرنے کی منظوری دے دی ہے۔ نیپرا نےسہ ماہی ایڈجسٹمنٹ میں بجلی کی قیمت میں کمی کا فیصلہ وفاقی حکومت کو بھیج دیا ہے کمی اپریل تا جون 2025 کی سہ ماہی ایڈجسٹمنٹ میں منظورکی گئی بجلی کی قیمت میں کمی کا اطلاق کے الیکڑک سمیت تمام ڈسکوز صارفین پر ہو گا بجلی کی قیمت میں کمی کا اطلاق اگست تا اکتوبر 2025 کے 3 ماہ کے لیے ہوگا۔نیپرا کے فیصلے کے مطابق بجلی کی قیمت میں کمی کا اطلاق لائف لائن اور پری پیڈ صارفین پر نہیں ہوگا۔ بجلی کی تقسیم کار کمپنیوں نے سہ ماہی ایڈجسٹمنٹ میں بجلی سستی کرنے کی درخواست کی تھی جس پر نیپرا نے سہ ماہی ایڈجسٹمنٹ کی درخواست پر 4 اگست کوسماعت کی تھی۔ بجلی کے صارفین کو اس کمی سے 55 ارب 87 کروڑ 40 لاکھ روپے کا ریلیف ملے گا۔دوسری جانب نیپرا نے کراچی کے علاوہ باقی ملک کیلئے ماہانہ ایڈجسٹمنٹ کی مد میں بھی بجلی کی قیمت میں 78 پیسے کمی کر دی ہے جس کا نوٹیفکیشن بھی جاری کر دیا گیاہے بجلی جون 2025 کی ماہانہ ایڈجسٹمنٹ کی مدمیں سستی کی گئی بجلی صارفین کو کمی کاریلیف اگست کےبلز میں ملے گا بجلی کی قیمت میں کمی کااطلاق کےالیکڑک صارفین پرنہیں ہوگا۔
