ایلون مسک کا کہنا ہے کہ ویمپائر حقیقت میں موجود ہیں اور ہوسکتا ہے کہ وہ امریکی حکومت سے مالی فوائد حاصل کر رہے ہوں۔ ان کے اس بیان نے سوشل میڈیا پر تہلکہ مچا دیا ہے۔ایلون مسک نے ایک سرکاری ڈیٹا شیٹ شیئرکیا ہے جس میں حیران کن اعداد و شمار موجودہیں.ایلون مسک کے شئیر کئے گئے ڈیٹا کے مطابق، امریکی حکومت لاکھوں ایسے افراد کو سوشل سیکیورٹی کے تحت فنڈز دے رہی ہے جن کی عمریں 100 سال سے زائد ہیں۔ حیرانی کی بات یہ ہے کہ اس ڈیٹا کے مطابق، تقریباً2 کروڑ افراد ایسے ہیں جن کی عمر 100 سال یا اس سے زیادہ ہے اس میں 130 سال سے 139 سال کے 3.9 ملین افراد شامل ہیں جبکہ 140 سے 149 سال کے 3.5 ملین افراد کا اندراج بھی پایا گیا۔ مزید حیرت کی بات یہ ہے کہ 1.3 ملین افراد 150 سے 159 سال کی عمر کے بھی اس فہرست میں موجود ہیں۔امریکہ کی کل آبادی تقریباً 33.5 کروڑ ہے لیکن امریکہ کی مردم شماری کے مطابق، 2020 میں 100 سال سے زائد عمر کے افراد کی تعداد صرف 80 ہزار تھی۔اس تضاد پر تبصرہ کرتے ہوئے ایلون مسک نےطنزیہ طور پر کہا ہے کہ ہوسکتا ہے کہ ٹوائی لائٹ فلم سچ ہو اور حقیقت میں ویمپائر سوشل سیکیورٹی کے پیسے لے رہے ہوں۔ ان کی یہ تھیوری انٹرنیٹ پر ایک نیا طوفان برپا کر چکی ہے۔ماہرین کا کہنا ہے کہ اس قسم کے سرکاری ریکارڈ میں ڈیٹا کی غلطیاں ہونا عام بات ہے کیونکہ اکثر پرانے ریکارڈز کو اپ ڈیٹ نہیں کیا جاتا۔ تاہم اگر واقعی لاکھوں ایسے افراد کو فنڈز مل رہے ہیں جو حقیقت میں موجود ہی نہیں تو یہ امریکہ کے سوشل سیکیورٹی سسٹم کے لیے بہت بڑا مالی نقصان ثابت ہوسکتا ہے.
