امریکی صدر ڈونلڈ ٹرمپ کی بہو لارا ٹرمپ نے ایک امریکی نیوز چینل فاکس نیوز جوائن کر لیا جہاں وہ بطور اینکر جلوہ افروز ہونگی .امریکی نیوز چینل کی سی ای او سوزین اسکاٹ نے اعلان کرتے ہوئے کہا ہے کہ لارا ٹرمپ ایک باصلاحیت کمیونیکیٹر ہیں جو ناظرین سے جڑنا جانتی ہیں ہے وہ کامیاب کاروباری شخصیت اور کام کرنے والی ماں بھی ہیں.42 سالہ لارا ٹرمپ چینل پر My View with Lara Trump کے نام سے شو کی میزبانی کریں گی۔یہ شو ہر ہفتے مقامی وقت کے مطابق رات 9 بجے نشر ہو گا اس پروگرام میں تجزیے سیاسی و دیگر رہنماؤں کے انٹرویوز قومی معاملات پر گفتگو اور دن بھر کی ہیڈ لائنز پر بات کی جائے گی۔امریکی میڈیا کے مطابق صدر ٹرمپ کی بہو لارا ٹرمپ 2020ء سے دی رائٹ ویو نامی ایک ویب سیریز کی میزبانی کر رہی ہیں جبکہ انہوں نے 22-2021ء تک فاکس نیوز چینل میں معاون کے طور پر بھی کام کیا ہے۔واضح رہے کہ لارا لی ٹرمپ کی شادی امریکی صدر ڈونلڈ ٹرمپ کے تیسرے بیٹے ایرک ٹرمپ سے ہوئی ہے۔اس حوالے سے لارا ٹرمپ نے کہا ہے کہ میں اپنی آواز کو فاکس نیوز پر واپس لانے اور امریکی عوام کے ساتھ براہِ راست بات کرنے کے لیے بہت خوش ہوں۔
