کیتھولک عیسائیوں کے مذہبی رہنما پوپ فرانسس کی طبعیت ایک مرتبہ پھر خراب ہو گئی ہے جس کے بعد انہیں دوبارہ وینٹی لیٹر پر منتقل کر دیا گیا ہے۔ویٹی کن کی جانب سے جاری بیان میں کہا گیا ہے کہ پیر کے روز پوپ فرانسس کو دو مرتبہ سانس کی شدید کمی کا سامنا رہا جس کے باعث انہیں دوبارہ وینٹی لیٹر پر منتقل کر دیا گیا۔ویٹیکن کے مطابق پوپ فرانسس کو گزشتہ روز ڈاکٹروں کو ان کی پھیپھڑوں سے بلغم صاف کرنے کے لیے مداخلت کرنی پڑی۔ویٹیکن کا مزید کہنا ہے کہ پوپ فرانسس طبی امداد کے مراحل کے دوران مکمل طور پر ہوش و حواس میں تھے 88 سالہ پوپ فرانسس کو سانس لینے میں مدد کے لیے آکسیجن ماسک اور وینٹی لیٹر استعمال کرنے کی ضرورت پیش آئی ہے۔یہ تیسری مرتبہ ہے کہ پوپ فرانسس کی حالت میں شدید خرابی آئی ہے بیماری کی وجہ سے پوپ فرانسس تین ہفتوں سے اپنی روایتی اینجلز دعا براہ راست ادا نہیں کر سکے اور ویٹیکن نے ان کے تحریری پیغامات شائع کیے ہیں جو اسپتال کے کمرے سے ارسال کیے گئے ہیں۔ اس پیغام میں پوپ فرانسس نے دعاؤں کے لیے لوگوں کا شکریہ ادا کیا اور اپنے طبی عملے کا بھی شکریہ کیا۔واضح رہے کہ 88 سالہ پوپ فرانسس کو ڈبل نمونیا کی تشخیص ہوئی تھی اور وہ 14 فروری سے اٹلی کے اسپتال میں داخل ہیں
