مزاحیہ انداز میں گلوکاری کرکے سوشل میڈیا پر شہرت پانے والے چاہت فتح علی خان نے اپنی میوزک اکیڈمی بنانےکا اعلان کردیا۔لاہور میں اپنی میوزک اکیڈمی کے آغاز کے بارے میں بات کرتے ہوئے چاہت فتح علی خان نے کہا کہ یہ اکیڈمی گلوکاری اور اداکاری دونوں کی تربیت فراہم کرے گی تاکہ جو افراد انٹرٹینمنٹ انڈسٹری میں قدم رکھنا چاہتے ہیں وہ منظم طریقے سے اپنے کیریئر کی شروعات کر سکیں۔چاہت فتح علی خان حال ہی میں ایک نجی ٹی وی کے پروگرام میں شریک ہوئے جہاں انہوں نے میزبان اور حاضرین کی جانب سے پوچھےگئے سوالوں کے دلچسپ جوابات دیے۔انہوں نے کہا کہ یہ اکیڈمی ان افراد کو منظم تربیت فراہم کرے گی جو انٹرٹینمنٹ کی دنیا میں اپنا کیریئر بنانا چاہتے ہیں۔چاہت فتح علی خان کو سوشل میڈیا پر گانے بدو بدی کے ری میک کی وجہ سے شہرت ملی اور ان کے منفرد گانے کے انداز کو پسند کرنے والوں کے ساتھ ساتھ تنقید کا سامنا بھی رہتا ہے۔ تاہم ان کی مزاحیہ انداز کے باعث ان کے کافی سارے لوگ مداح بھی ہیں۔ چاہت فتح علی کا کہنا ہے کہ پاکستانی گلوکار ان سے جلتے ہیں جبکہ بھارت کے مشہور گلوکار اور پروڈیوسر ان کی تعریف کرتے ہیں۔چاہت فتح علی خان کا کہنا ہے کہ انہیں اپنے کام پر توجہ مرکوز کرنی چاہیے اور اس بات سے دور رہنا چاہیے کہ دیگر لوگ کیا کر رہے ہیں۔ ان کا مزید کہنا تھا کہ وہ خوش رہنے اور کام کرنے پر یقین رکھتے ہیں
