پاکستان کا پانی بند کرنے کی بھڑکیں مارنے والے بھارت کو خود پانی کے لالے پڑگئے۔ چین نے دریائے برہما پترا پر ایک سو سینتیس ارب ڈالر کی لاگت سے ڈیم کی تعمیر شروع کردی۔ذرائع کے مطابق چین نے تبت کے دریائے یارلنگ سانگپو میں دنیا کا سب سے بڑا پن بجلی منصوبہ شروع کردیا، جس سے 60 ہزار میگاواٹ بجلی پیدا ہوسکے گی۔ذرائع کے مطابق یہ منصوبہ دنیا کا سب سے بڑا پن بجلی منصوبہ ہوگا اور اس سے 60 ہزار میگاواٹ بجلی پیدا ہوسکے گی۔چین کے دریائے برہما پترا ڈیم منصوبے نے بھارت میں خوف کی فضا پیدا کردی ہے بھارتی ریاست اروناچل پردیش کے وزیراعلیٰ پیما کھنڈو نے چین کے زیر تعمیر میگا ہائیڈرو پاور ڈیم کو بھارت کے لیے پانی کا ایٹم بم قرار دیتے ہوئے کہا کہ اگر چین نے اچانک پانی چھوڑ دیا تو آسام اور اروناچل کے قبائلی علاقوں میں تباہی مچ جائے گئی۔اروناچل کے وزیراعلیٰ نے کہا کہ چین نے پانی کی بین الاقوامی تقسیم کے معاہدے پر دستخط نہیں کئے اور یہی بھارت کے لیے سب سے بڑا مسئلہ ہے ذرائع کے مطابق اروناچل کے وزیراعلیٰ نے خدشہ ظاہر کیا ہے کہ ڈیم کی وجہ سے براہما پترا اور سیانگ دریاؤں کا پانی کافی حد تک خشک ہو سکتا ہے۔
