سال 2025کے پہلے 2 ماہ کے دوران شہر میں اسٹریٹ کرائم کے 10ہزار 356 واقعات رپورٹ ہوئے جس میں 2 ماہ کے دوران 12شہری ڈکیتی مزاحمت پر قتل اور 41 زخمی ہوئے جب کہ اس دوران 2806 شہریوں سے موبائل فون چھینے گئے۔ پولیس رپورٹ کے مطابق رواں برس28 فروری تک شہر سے 306 گاڑیاں اور7 ہزار244موٹر سائیکلیں چھینی و چوری کی گئیں۔ رواں برس موبائل فون چھیننے کی یومیہ شرح 48.4،گاڑیوں کی چوری اور چھیننے کی 5.3 جب کہ موٹر سائیکلیں چھیننے اور چوری کی یومیہ شرح 124.9 رہی۔پولیس حکام کا بتانا ہے کہ گزشتہ سال 2024 کے پہلے 2 ماہ میں ڈکیتی مزاحمت پر 32 افراد قتل اور 99 زخمی ہوئے تھے۔جبکہ گزشتہ برس جنوری اور فروری میں شہریوں سے 4 ہزار 120 موبائل فون چھینے گئے تھے جب کہ 335گاڑیاں اور 9 ہزار 964موٹر سائیکلیں چھینی اور چوری کی گئی تھیں۔
