امریکی صدر ڈونلڈ ٹرمپ سے کشیدگی پر برطانیہ، جرمنی، اٹلی اور کینیڈا سمیت یورپی ممالک نے یوکرینی صدر ولودومیر زیلنسکی سے اظہار یکجہتی کردیا . غیر ملکی میڈیا کے مطابق کینیڈا نے کہا کہ یوکرین آزادی کی جنگ لڑ رہا ہے یوکرین کی حمایت پر یقین رکھتے ہیں۔ جبکہ برطانوی وزیراعظم سر کیئر اسٹارمر نے صدر زیلنسکی کو فون کیا اور انہیں برطانیہ کی غیرمتزلزل حمایت کی یقین دہانی کروائی۔دوسری جانب جرمن چانسلر نے یوکرین کو جرمنی اور یورپ پر انحصار کرنے کی پیشکش کی ہے ۔ اسی طرح اطالوی وزیراعظم نے امریکا، یورپی ریاستوں اور اتحادیوں کے درمیان سربراہی اجلاس کی ضرورت پر زور دیا۔یوکرین تنازع پر وزیراعظم اسٹارمر کی سربراہی میں یورپی رہنماؤں کا اجلاس بھی ہونے جارہا ہے۔ اس سلسلے میں صدر زیلنسکی لندن پہنچ گئے ہیں جہاں ان کی وزیراعظم اسٹارمر سے ملاقات ہوگی.واضح رہے کہ یوکرین کے صدر ولادیمیر زیلنسکی اور امریکی صدر ڈونلڈ ٹرمپ کے درمیان وائٹ ہاؤس میں ہونے والی ملاقات کے دوران بار بار جھڑپیں ہوئیں اور سخت جملوں کا تبادلہ ہوا۔یوکرینی صدر زیلنسکی نے یورپی ممالک کی حمایت پر اظہار تشکر کیا۔
