خیبرپختونخوا کے سینیٹ الیکشن میں امیدواروں کی فہرست بانی پی ٹی آئی عمران خان سے چھپانےکا الزام سامنے آگیا۔ذرائع کا کہنا ہے کہ خیبر پختونخوا میں سینیٹ امیدواروں کی فہرست میں ردوبدل کا بھی الزام عائد کیا گیا ہے۔ذرائع کا کہنا ہے کہ کے پی قیادت نے 15 جولائی کو سینیٹ امیدواروں کی فہرست بانی پی ٹی آئی کو بھجوائی لیکن بیرسٹرگوہر، بیرسٹر سیف اورپارٹی قیادت نےکے پی قیادت کی فہرست بانی تک نہ پہنچائی۔پارٹی ذرائع کا کہنا ہے کہ پی ٹی آئی کے پی نوٹیفکیشن کے مطابق 7 ناموں کی فہرست بانی پی ٹی آئی کو بھجوائی گئی جنرل سیکریٹری کے پی علی اصغر خان نے فہرست مرکزی قیادت تک پہنچائی تھی۔پارٹی ذرائع کے مطابق کے پی قیادت کی جانب سے دی گئی فہرست میں مرزا آفریدی کا نام شامل نہیں تھا۔7 ناموں میں مراد سعید، عرفان سلیم ، فیصل جاوید اور خرم ذیشان شامل تھے۔سات ناموں میں مراد سعید، عرفان سلیم، فیصل جاوید اور خرم ذیشان شامل تھےصوبائی تنظیم کی جانب سے دی گئی فہرست میں اظہر مشوانی کا نام شامل کیا گیا تھا صوبائی قیادت کی فہرست میں ٹیکنوکریٹ سیٹ پر نور الحق قادری اور اعظم سواتی کا نام شامل تھا۔دوسری جانب چیئرمین پی ٹی آئی بیرسٹر گوہر علی کا کہنا ہےکہ میں نے نہ ہی نام تبدیل کیے نہ ہی اس فہرست کو چھپایا ذرائع کا کہنا ہے کہ پارٹی تنظیم کی فہرست کی جگہ نئے ناموں پر بیرسٹر سیف نے مشاورت کی۔خیبر پختونخوا میں سینیٹ کی 11 نشستوں پر ووٹ ڈالےگئے، پی ٹی آئی کے ناراض امیدوار خرم ذیشان نے انتخاب میں حصہ لیا، چار دیگر ناراض امیدوار بیٹھ گئے۔
