راولپنڈی پولیس نے خواتین کو استعمال کرکے شہریوں کو ہنی ٹریپ کرکے لوٹ مار کرنے والے گینگز کے خلاف کارروائیاں کرتے ہوئے خواتین اور پولیس اہلکاروں سمیت 2 خطرناک گروہوں کو گرفتار کرلیا۔صدر بیرونی پولیس نے کارروائی کرتے ہوئے پاکستانی نژاد مشرقی افریقی خاتون اور اس کے شوہر سمیت 6 افراد کو گرفتار کیا گینگ کے قبضے سے 2 لاکھ 50 ہزار روپے اور اسلحہ برآمد ہوا۔پولیس کے مطابق گرفتار ملزمہ سوشل میڈیا پر شہریوں سے رابطہ کرکے انہیں ملاقات کے بہانے بلا کر گینگ کے دیگر ارکان کے ساتھ مل کر لوٹ لیتی تھی۔ ترجمان راولپنڈی پولیس نے بتایا کہ مجموعی طور پر شہریوں کو ہنی ٹریپ کرکے لوٹنے میں ملوث 16 ملزمان کی گرفتاری کےدوران ان سے نقدی اور اسلحہ بھی ملا۔ملزمان شہریوں کو بلیک میل کر کے نازیبا ویڈیوز اور تصاویر بناکر رقم بٹورتے تھے۔صادق آباد پولیس نے آفتاب عرف تابی گینگ کے 10 ارکان کو گرفتار کیا جن میں خواتین اور پولیس اہلکار بھی شامل ہیں گینگ کے قبضے سے 5 لاکھ روپے اور اسلحہ برآمد ہوا۔
