57 سال کی ہالی وڈ کی معروف اداکارہ نکول کڈمین نے ایک بار پھر دنیا کی سب سے زیادہ معاوضہ لینے والی اداکارہ کا اعزاز اپنے نام کرلیا ہے۔فوربس میگزین کی تازہ ترین رپورٹ کے مطابق ٹاپ 20 میں صرف تین خواتین شامل ہیں اور ان میں سے کوئی بھی نوجوان نہیں ہے۔ نکول کڈمین جو 57 سال کی ہیں اس فہرست میں سب سے اوپر ہیں۔ اس عمر میں بہت کم خواتین کو مرکزی کردار ملتے ہیں لیکن نکول نے نہ صرف اپنی حیثیت برقرار رکھی بلکہ اپنی شرائط پر فلمیں بھی بنائیں۔رپورٹ کے مطابق نکول نے 2024 میں مجموعی طور پر 41 ملین ڈالر کمائے جن میں سے 31 ملین ڈالر ان کا خالص منافع تھا۔نکول دو رومانس فلموں ے بی گرل اور اے فیملی افیئر میں بھی جلوہ گر ہوئیں۔ دونوں فلمیں کامیاب ثابت ہوئیں اور ان میں نکول کی جوڑی نسبتاً کم عمر اداکاروں کے ساتھ کاسٹ کی گئیں .نکول کڈمین نے 2024 میں کئی ہائی پروفائل پروجیکٹس کے ذریعے شاندار کامیابی حاصل کی۔ انہوں نے تین مشہور شوز میں مرکزی کردار ادا کیا، جن میں دی پرفیکٹ کپل،لائنس اور ایکسپیٹس شامل ہیں۔ ان شوز میں انہیں ہر قسط کےلیے 1 ملین ڈالر معاوضہ ملا۔نکول کڈمین نے 17 سال بعد دوبارہ اس فہرست میں ٹاپ پر آنے کا اعزاز حاصل کیا ہے۔ اس سے قبل 2007 میں وہ دنیا کی سب سے زیادہ معاوضہ لینے والی اداکارہ بنی تھیں جب ان کی آمدنی 28 ملین ڈالر تھی ٹاپ 20 میں شامل دیگر دو خواتین 61 سالہ مارسیکا ہیریٹیگے اور 40 سالہ اسکارلٹ جوہانسن ہیں جنہوں نے 2024 میں 25 ملین ڈالر سے زیادہ کمائے۔
