سعودی عرب کے شہر الاحسا میں موبائل چارجر پھٹنے سے گھر میں آتشزدگی کے نتیجے میں ایک ہی خاندان کے 7 افراد جاں بحق ہوگئے۔سعودی عرب کے نخلستانی شہر میں خاندان کے تمام افراد رات کو سوچکے تھے اور موبائل چارجر بجلی کے ساکٹ میں لگا ہوا تھا.گرم ہونے کی وجہ سے چارجر پھٹ گیا اور آگ لگ گئی جو دیکھتے ہی دیکھتے پورے گھر میں پھیل گئی، جب تک خاندان کے لوگوں کی آنکھ کھلی تو آگ کافی پھیل چکی تھی۔تفصیلات کے مطابق خاندان کے سربراہ اور ان کی اہلیہ نے آگ بجھانے کی کوشش کی مگر دونوں زخمی ہوگئے جبکہ کمروں میں سوئے ہوئے بچوں کا دم گھٹ گیا اور ان کی موت واقع ہوگئی۔محکمہ شہری دفاع کو اطلاع ملی تو فوری طور پر متعدد ٹیمیں موقع پر پہنچیں مگر اس وقت تک دم گھٹنے سے 7 افراد چل بسے تھے۔
