وزیراعلیٰ خیبرپختونخوا نے ویڈیو پیغام میں کہا ہے کہ ہفتے کو صوابی میں جلسہ کرنے جارہے ہیں، کارکن بڑی تعداد میں وہاں پہنچیں وزیراعلیٰ خیبرپختونخوا علی امین گنڈا پور نے اپیل کی ہے کہ 8 فروری کو مینڈیٹ چوری ہونے کے خلاف احتجاج ہوگا. ہر پاکستانی گھر سے نکلے۔ ہفتے کو صوابی میں جلسہ کرنے جارہے ہیں کارکن بڑی تعداد میں وہاں پہنچیں۔وزیراعلیٰ خیبرپختونخوا نے کہا کہ 8 فروری ہر سال یوم سیاہ کے طور پر منائیں گے. ہم سب نے پاکستان، جمہوریت اور آئین کےلیے کردار ادا کرنا ہے۔ پاکستانی جہاں جہاں بھی ہیں، وہ 8 فروری کو نکلیں اور احتجاج ریکارڈ کرائیں۔ ویڈیو پیغام میں وزیراعلیٰ کے پی کے علی امین گنڈاپور نے صوابی جلسے کے حوالے سے کہا ہے کہ پوری دنیا میں رہنے والے پاکستانیوں اور پاکستانی عوام کے لیے پیغام ہے وہ 8 فروری یوم سیاہ کے طور پر منائیں انہوں نے کہا کہ عمران خان کو لوگوں نے ووٹ دیا اس منڈیٹ کو چوری کیا گیا۔انہوں نے مزید کہا کہ ہم جس راستے پر چل رہے ہیں فارم 47 کی حکومت ملک کو مزید نقصان پہنچانے کے در پے ہے پاکستان کو جو نقصان ہورہا ہے وہ سب کے سامنے ہے۔علی امین گنڈا پور کا مزید کہنا تھا کہ صوابی کے مقام پر جلسہ ہے. ہر پاکستانی مینڈیٹ چوری ہونے کے خلاف 8 فروری کے احتجاج کے نکلے 8 فروری کو پیغام دینا ہے کہ ہم حق لینا بھی جانتے ہیں اور حق چھین کر لینا جانتے ہیں۔ ہم نے ایمان، یقین کے ساتھ عمران خان کے ساتھ کھڑے رہنا ہے۔
