اداکارہ حمیرا اصغر کی موت کے بارے میں اداکارہ کے بڑے بھائی سہیل اصغر کی اہلیہ منظر عام پر آگئی ہیں اور بھائی بہن میں جائیداد کے تنازعے کا انکشاف کیا ہے۔سوشل میڈیا پر ویڈیو جاری کرتے ہوئے متوفیہ کی بھابھی نے کہا کہ حمیرا موت سے قبل اگست میں گھر آئی تھی اس وقت جائیداد کے معاملے پر بھائی سے جھگڑا ہوا تو وہ گھر چھوڑ کر واپس کراچی چلی گئی اس کے بعد دوبارہ وہ گھر نہیں آئی۔انہوں نے بتایا کہ والدہ اپنی بیٹی کو یاد کر کے روتی رہتی تھی چاہتی تھی کہ وہ گھر واپس آجائے اور آئے روز بات چیت ہوتی تھی لیکن جب گزشتہ برس ہماری آخری بار بات ہوئی اس وقت اسے کچھ پیسوں کی ضرورت تھی وہ بہت پریشان تھی اور اپنی ماں سے دعا کا کہاتھا متوفیہ کی بھابھی نے کہا کہ حمیرا کے والدین سے تو تعلقات اچھے تھے لیکن اداکاری کے سبب چھوٹے بھائی نوید اصغر کے ساتھ اختلافات تھے جس کے سبب وہ کراچی منتقل ہوگئی۔انہوں نے بتایا کہ حمیرا نے کئی بار جائیداد میں اپنا حصہ اور گھر میں کھڑی گاڑی مانگی لیکن نوید اصغر نے اسے کچھ بھی دینے سے انکار کر دیا۔حمیرا کی بھابھی نے انکشاف کیا کہ نوید اصغر میرے شوہر اور اپنی ایک بہن کو ذہنی تناؤ کی ادویات دیتے ہیں اور چاہتے ہیں کہ سب ان سے دب کر رہیں۔بھابھی نے یہ بھی بتایا کہ جائیداد کے تنازعے پر انہوں نے مجھے اور میرے بچوں کو بھی 5 ماہ قبل گھر سے نکال دیا تھا .اگست کے بعد حمیرا سے ہماری بات نہیں ہوئی حمیرا کا اسی دوران انتقال ہوگیا تھا جب رابطہ نہیں ہوا تو میں نے اپنی ساس سے کہا کہ پولیس میں شکایت درج کرواتے ہیں لیکن انہوں نے میرے دیور نوید کے خوف سے شکایت نہیں کی کہ اور کہا کہ خاندان کی بدنامی ہوگی۔
