معروف بھارتی کامیڈین اور اداکار کپل شرما کے کینیڈا میں کیفے پر ایک ماہ میں دوسرا بڑا حملہ ہوا ہے جس کی ذمہ داری بشنوئی گینگ نے قبول کرلی اور اگلی کارروائی کی دھمکی بھی دے دی۔بھارتی میڈیا کے مطابق گزشتہ ماہ کپل شرما ک ےکیپس کیفے کی عمارت پر نامعلوم افراد نے فائرنگ کی تھی تاہم جمعرات کو ایک بار پھر کیپس کیفے پر فائرنگ کا واقعہ رونما ہوا کیفے کی کھڑکیوں میں تقریباً 6 گولیوں کے نشانات پائے گئے ہیں۔کپل شرما کے کیپس کیفے پر فائرنگ کا واقعہ صبح تقریباً 4:40 بجے پیش آیا، نامعلوم حملہ آوروں نے چلتی گاڑی سے 25 فائر کئے خوش قسمتی سے اس حملے میں کوئی جانی نقصان نہیں ہوا، تاہم کیفے کی کھڑکیوں اور عمارت کو شدید نقصان پہنچا ہے۔بھارتی میڈیا کے مطابق گرپریت سنگھ عرف گولڈی ڈھلوں اور لارنس بشنوئی گینگ نے مبینہ طور پر کپل شرما کے کیفے پر حملے کی ذمہ داری قبول کی ہے۔کپل شرما اور ان کی اہلیہ کا یہ کیفے سرے برٹش کولمبیا میں واقع ہے جس کا افتتاح کچھ ہی ہفتے قبل ہوا تھا۔ کیفے پر پہلا حملہ 10 جولائی کو ہوا تھا جب کیفے میں عملہ موجود تھا اس کے بعد علاقے میں خوف و ہراس پھیل گیا تھا۔اب تک کپل شرما یا ان کی ٹیم کی جانب سے اس حملے پر کوئی بیان جاری نہیں کیا گیا۔ کیفے کے منیجر نے پولیس کی کارروائیوں پر اعتماد کا اظہار کیا ہے اور کہا ہے کہ وہ مکمل تعاون کر رہے ہیں۔اس کی ذمہ داری خالصتانی تنظیم ببر خالصہ انٹرنیشنل سے تعلق رکھنے والے انتہا پسند حرجیت سنگھ لڈی نے قبول کی تھی۔ لڈی نے دعویٰ کیا تھا کہ حملہ اس لیے کیا گیا کیونکہ کپل شرما کے شو میں سکھ برادری کا مذاق بنایا گیا تھا۔ سوشل میڈیا پر جاری ایک بیان میں گولڈی ڈھلون نے کہا کہ آج جو یہ کپل شرما کے کیپس کیفے میں فائرنگ ہوئی اس کی ذمہ داری گولڈی ڈھلون اور لارنس بشنوئی گینگ لیتے ہیں ہم نے ان کو فون کیا لیکن انہوں نے فون نہیں اٹھایا اس لیے ایکشن لینا پڑا۔ اب بھی اگر فون نہ اٹھایا تو اگلی کارروائی جلد ہی ممبئی میں کریں گے۔
