کراچی میں 11 اور 12 ربیع الاول کو ڈمپر اور ہیوی ٹریفک چلانے پر پابندی عائد کر دی گئی۔ذرائع کے مطابق ٹریفک پولیس کے مطابق سڑکوں اور لنک روڈ پر جلسوں اور ریلیوں کا انعقاد ہوگا شہریوں کے تحفظ کے لیے پابندی لگانے کا فیصلہ کیا ہے۔ڈی آئی جی ٹریفک پولیس پیر محمد شاہ نے شہر قائد میں 11 اور 12 ربیع الاول کو ڈمپر اور دیگر ہیوی ٹریفک چلانے پر پابندی کا نوٹی فکیشن جاری کیا ہے تمام ڈمپر مالکان کو پابندی سے متعلق آگاہ کر دیا گیا ہے۔پولیس ذرائع کا کہنا ہے کہ پابندی کی خلاف ورزی کے مرتکب ڈمپرز اور دیگر ہیوی ٹریفک کی گاڑیوں کے خلاف کارروائی کی جائے گی۔واضح رہے کہ شہر قائد میں 11 اور 12 ربیع الاول کو جشن میلادالنبی ﷺ کے حوالے سے ریلیاں نکالی جاتی ہیں جلسے اور جلوسوں کا انعقاد کیا جاتا ہے ان تقریبات میں شرکت کے لیے شہریوں کی بڑی تعداد موٹر سائیکلوں پر سوار ہوتی ہے۔ چھ ستمبر بروز ہفتے کو جشن کو عید میلادالنبی ﷺ ملک بھر میں مذہبی جوش و جذبے کے ساتھ منائی جائے گی۔
