لاہور کی مقامی عدالت نے مشہور یوٹیوبر سعد الرحمن المعروف ڈکی بھائی کے ریمانڈ میں چوتھی بار توسیع کری۔انہیں 17 اگست کو لاہور کے علامہ اقبال انٹرنیشنل ایئرپورٹ پر اس وقت گرفتار کیا گیا جب وہ مبینہ طور پر ملک سے باہر جانے کی کوشش کر رہے تھےاس وقت سے وہ ریمانڈ پر جیل میں ہیں۔ڈکی بھائی پر الزام ہے کہ انہوں نے اپنے یوٹیوب چینل کے ذریعے غیر قانونی جوا ایپلی کیشنز کی تشہیر کی۔ان کا چار روزہ ریمانڈ مکمل ہونے کے بعد یکم ستمبر کو انہیں عدالت میں پیش کیا گیاجہاں عدالت نے مزید دو دن تک انہیں ریمانڈ پر نیشنل سائبر کرائم انویسٹی گیشن ایجنسی کے حوالے کردیا۔ان کے خلاف مقدمہ 17 اگست کی نصف شب این سی سی آئی اے لاہور کی جانب سے ریاست کی مدعیت میں درج کیا گیا جس میں الیکٹرانک جعلسازی، الیکٹرانک فراڈ، اسپیم اور اسپوفنگ شامل ہیں۔اس کے علاوہ پاکستان پینل کوڈ کی دفعات 294-بی اور 420 کے تحت بھی الزامات عائد کیے گئے۔دوسری جانب غیر قانونی جوا ایپلی کیشن کی تشہیر کے ہی کیس میں ڈکی بھائی کی اہلیہ عروب جتوئی کو 15 ستمبر تک قبل از گرفتاری ضمانت میں توسیع مل چکی ہے۔
