چیئرمین پی ٹی آئی بیرسٹر گوہر نے کہا ہے کہ آج شام تقریباً 4 بجے دو ڈاکٹروں ایک ای این ٹی ماہر اور ایک طبی ماہر اڈیالہ جیل میں خان صاحب سے ملنے آئے تھے۔
ہمیں کچھ دیر پہلے اطلاع ملی تھی کہ الحمدللہ خان صاحب خیریت سے ہیں، بیرسٹر گوہر اور آج ایک گھنٹہ ورزش کر چکے ہیں۔
میں پی ٹی آئی کے ہر کارکن اور سپورٹر کا شکریہ ادا کرتا ہوں جو خان صاحب کی صحت کے بارے میں فکر مند تھے۔
عمران خان کی میڈیکل رپورٹ پی ٹی آئی کو موصول ہوچکی ہے عمران خان ہشاش بشاش ہیں بلڈ پریشر نارمل ہے، میڈیکل چیک شام ساڑھے چار بجے کیا گیاتھا۔
رپورٹ کے مطابق بانی پی ٹی آئی کو کان کی بیماری سے متعلق پہلے سے شکایات ہیں جس کا علاج جاری ہے۔
عمران خان کو معدے کے مسائل تیزابیت ہیں جس کیلئے پہلے سے علاج جاری ہے۔
چیئرمین پی ٹی آئی بیرسٹر گوہر نے عمران خان کی میڈیکل رپورٹ شیئر کر دی۔
عمران احمد نیازی کا سینٹرل جیل اڈیالہ میں طبعی معائنہ کیا گیا،عمران خان مکمل طور پر صحت مند ہیں۔
عمران خان کو بخار نہیں ہے، ان کا بلڈ پریشر بھی نارمل ہے۔
ان کی جانب سے 5 روز سے سانس کی تکلیف کی شکایت کی گئی۔
سانس کی تکلیف کے لیے عمران خان پہلے ہی پی پی آئیز پر ہیں۔
ان کو کان میں شور سنائی دینے کے مسائل کئی ماہ سے ہیں۔
کان کے مسائل پر عمران خان پہلے ہی ادویات لے رہے ہیں۔
ان کے کان کے حوالے سے کوئی تازہ شکایات نہیں ہیں۔
رپورٹ میں کہا گیا کہ عمران خان تندرست اور توانا ہے ان کو مزید دوائی کی ضرورت نہیں۔
