پی ٹی اے نے فری لانسرز کیلئے موبائل نمبر کے ذریعے وی پی این رجسٹریشن کی سہولت متعارف کرادی۔ فری لانسرز موبائل ڈیٹا کنکشن پر وی پی این استعمال کرنے کے لیے رجسٹرڈ کروا سکتے ہیں ترجمان پی ٹی اے نے بتایا ہے کہ اتھارٹی کی جانب سے فراہم کردہ اس سہولت سے اسٹیٹک آئی پی نہ رکھنے والے فری لانسرز فائدہ اٹھا سکیں گے۔ترجمان پی ٹی اے نے مزید کہا کہ اب تک پی ٹی اے کے ساتھ 31 ہزار سے زائد وی پی اینز رجسٹرڈ کیے جاچکے ہیں جب کہ اسٹیٹک آئی پی کے ذریعے رجسٹریشن کیلئے فری لانسرز کو مشکلات کا سامنا تھا۔
