چیمپئنز ٹرافی 2025 کے گروپ اے کے میچ میں بھارت نے بنگلادیش کو 6 وکٹوں سے ہرادیا.بنگلادیش کی جانب سے دیا گیا 229 رنز کا ہدف بھارت نے 48ویں اوور میں 4 وکٹوں کے نقصان پر حاصل کرلیا۔دبئی کرکٹ اسٹیڈیم میں بنگلادیش نے ٹاس جیت کر پہلے بیٹنگ کرنے کا فیصلہ کیا.بھارتی بولرز نے 9ویں اوور میں ہی بنگلادیش کی آدھی ٹیم کو صرف 35 رنز پر پویلین بھیج دیا۔تاہم چھٹی وکٹ پر بنگلادیشی بیٹرز توحید ہردوئے اور جاکر علی 154 رنز کی پارٹنرشپ بنائی اور اپنی ٹیم کو ایک قابل دفاع ٹوٹل تک پہنچانے میں کلیدی کردار ادا کیا.جاکر 68 رنز کی اننگز کھیل کر آؤٹ ہوئے تو توحید نے ٹیل اینڈرز کے ساتھ رنز بنانے کا سلسلہ جاری رکھا۔ توحید ہردوئے پٹھوں میں کھنچاؤ کا شکار ہوئے اس کے باوجود انہوں نے 49ویں اوور میں اپنی سنچری مکمل کی۔بھارت کی جانب سے محمد شامی نے 5 وکٹیں لیں ہرشت رانا نے 3 جبکہ اکشر پٹیل نے دو کھلاڑیوں کو آؤٹ کیا۔ہدف کے تعاقب میں بھارت تیز رفتار آغاز فراہم کیا اوپنر شبمن گل اور کپتان روہیت شرما کے درمیان پہلی وکٹ پر 69 رنز کی پارٹنرشپ بنی جہاں 10ویں اوور میں اپنے کیریئر کے 11 ہزار رنز مکمل کرنے والے روہیت شرما 41 رنز بنا کر آؤٹ ہوئے۔بعدازاں ویرات کوہلی نے 22 شریاس ائیر نے 15 جبکہ اکشر پٹیل نے 8 رنز بنا کر شبمن گل کا ساتھ دیا۔ پانچویں وکٹ پر شبمن گل اور کے ایل راہول کے درمیان ناقابلِ شکست 87 رنز کی پارٹنرشپ ہوئی .اس دوران شمبن گل نے سنچری مکمل کی، وہ 101 جبکہ کے ایل راہول 41 رنز بنا کر ناٹ آؤٹ رہے۔
