متحدہ عرب امارات کے محکمہ موسمیات کے مطابق پاکستان اور بھارت کا میچ بارش کے باعث رک سکتا ہے۔البتہ ماہرین موسمیات کا خیال ہے کہ اگر دبئی میں بارش ہوئی تو بہت کم وقت کیلئے بادل برسے گے جس سے میچ متاثر ہونے کا امکان کم ہے۔موسم کے حوالے سے پاک بھارت میچ سے قبل قیاس آرئیاں جاری ہیں۔محکمہ موسمیات کے مطابق اتوار کی رات اور پیر کی صبح جزوی طور پر ابر آلود موسم اور ہلکی بارش کا امکان ہے۔رپورٹ کے مطابق دبئی میں بروز منگل 18 فروری کو بارش ہوئی تھی جس نے جمعرات کو بھارت اور بنگلا دیش کے میچ پر بھی خدشات بڑھا دیے تھے۔متحدہ عرب امارات کے بلند ترین پہاڑ جبل جیس راس الخیمہ میں بارش اور اولے پڑے لیکن اس کا اثر بنگلا دیش بھارت کے میچ پر نہیں ہوا تھا ۔
