یوکرین کے صدر ولودومیر زیلنسکی نے امریکا کو واضح پیغام دیتے ہوئے کہا ہے کہ وہ جنگی اخراجات کی واپسی کے لیے کسی بھی معاہدے پر دستخط نہیں کریں گے. میڈیا کے مطابق امریکا نے یوکرین کے معدنی وسائل کے 50 فیصد حصے پر حقوق مانگے تھے تاہم زیلنسکی نے اس معاہدے کو تسلیم کرنے سے انکار کر دیا ہے ۔ ان کا کہنا ہے کہ وہ کسی ایسے معاہدے پر دستخط نہیں کریں گے جس کا بوجھ آئندہ 10 نسلوں کو اٹھانا پڑے۔زیلنسکی نے کہا کہ 500 ارب ڈالر تو کیا 100 ارب ڈالر بھی واپس نہیں کریں گے کیونکہ یہ رقم سابق امریکی صدر جو بائیڈن کی جانب سے بطور امداد دی گئی تھی نہ کہ یہ قرض تھا .یوکرین کے صدر ولودومیر زیلنسکی نے امریکی صدر ڈونلڈ ٹرمپ کا نام لیے بغیر کہا کہ خواہ کسی کو پسند آئے یا نہ آئے امداد واپس کرنا یوکرین کی ذمہ داری نہیں ہے ۔یوکرینی صدر نے واضح کیا کہ وہ دو شرائط پر اپنے عہدے سے مستعفی ہو سکتے ہیں کہ اگر یوکرین کو نیٹو کا مکمل رکن بنا دیا جائے اور اگر ان کے مستعفی ہونے سے یوکرین میں امن قائم ہو جائے
