پاکستان کے سابق فاسٹ بولر شعیب اختر نے بابراعظم کی کارکردگی پر شدید تنقید کرتے ہوئے بابر اعظم کو فراڈ قرار دے دیا۔ایک ٹی وی شو کے دوران شعیب اختر نے کہا کہ بابر اعظم کی سوچ ہی غلط ہے، وہ شروع سے ہی ایک فراڈ ہیں۔ انہوں نے کہا کہ ہم اکثر بابراعظم اور ویراد کوہلی کا موازنہ کرتے ہیں لیکن دونوں میں زمین اور آسمان کا فرق ہے بابر کوہلی کے قریب ترین بھی نہیں. انہوں نے کہا کہ کوہلی کے آئیڈل سچن ٹنڈولکر ہیں جنہوں نے انٹرنیشنل کرکٹ میں سنچریوں کی سنچری مکمل کی ہے کوہلی بھی اسی مقام تک پہنچنے کے لیے کوشاں ہیں. ان کا کہنا تھا کہ آپ کو معلوم ہے کہ بابراعظم کا رول ماڈل کون ہے میں یہاں پر کسی پلیئر کا نام نہیں لینا چاہتا مگر آپ نے غلط رول ماڈلز منتخب کر رکھے ہیں.
